Познатиот ММА тренер Фирас Захаби, кој работи со Жорж Сент Пјер, објасни зошто рускиот шампион во лесна категорија на УФЦ, Ислам Махачев, во евентуален реванш ќе го победи сонародникот Арман Царукјан.
„Мислам дека Ислам ќе го победи. Арман е голем борец, но Махачев ќе го победи. Има предност во ударите и блага предност во борењето. На крајот, само ќе го убие Арман стоејќи“, рече стручњакот во подкастот „Тристар џим“.
Борбата меѓу Ислам Махачев и Арман Царукјан се случи во април 2019 година и заврши со победа на актуелниот шампион со едногласна одлука.
На 12 февруари Ислам Махачев го победи со едногласна одлука Австралиецот со македонско потекло Александар Волкановски и за прв пат ја одбрани титулата во лесна категорија на УФЦ. Вкупно, Махачев има 24 победи со еден пораз во професионалните мешани боречки вештини.
