Македонските кикбоксери вчера имаа одличен настап на Европското првенство за кадети и јуниори во Сан Себастијан, Шпанија, односно три победи во четвртфиналето во три настапи, а денес се борат за финале.
Хадис Рамадани, Бобан Илиоски и Марија Божиноска ги совлдаат своите противници и во најмала рака обезбедија бронзени медали, така што уште сега е надминат минатогодишниот успех од две бронзи.
Хадис Рамадани ја отвори поденосната серија на нашите натпреварувачи во категоријата до 67 кг во лоу кик, кој го совлада Италијанецот Стефано Канцели со 2:1. Средабата изобилувала со размена на голем број на рачни и ножни удари на задоволство на сите во стручниот штаб.
Бобан Илиоски (-71 кг- лоу кик) го победи рускиот претставник Назар Пивнев со 3:0. Илиоски во неговиот препознатлив стил во сите три рунди демонстрираше техничка и со физичка супериорност.
Марија Бозиноска ( +70 кг – кик лајт) беше подобра од Карен Галац од Хрватска и победата ја извојува со прекин.
„Поради големата разлика во квалитет, Галац направи недозволени движења, по што борбата беше прекината од страна на судијата“, истакнуваат од нашиот тим.
Тројцата денес ќе се борат за влез во финалето. Хадис Рамадани ќе се сретне со Полјакот Дамиен Пискорез, Бобан Илиоски со Данило Ракитиќ од Србија и Марија Божиноска со Марта Липка од Полска.
„Шансите за пласман во финале се големи , а очекувањата исто така“, констатираат од стручниот штаб на репрезентацијата.
ipon.mk/В.Д.
