Рајан Гарсија официјално е надвор од боксот следната година, откако беше прогласен за виновен за употреба на забранети стимуланси. Сепак, тој не престанува да ги полни социјалните мрежи со содржина, а иако повеќето негови објави се крајно неинтересни, понекогаш меѓу нив се наоѓа нешто вредно за внимание. Си најде виновник за скандалот кој практично му ја уништи кариерата.
„Скутер е момчето кое ми ги даде фалсификуваните суплементи. Тој беше човекот кој се грижеше за силата и состојбата на Заб Јуда. Знаеше дека тоа ми помага да изгубам тежина последниот ден и така одеднаш сите знаеја дека ќе бидам позитивен на тестот. Толку е тажно и болно“, напиша „Кралот Ри“, префрлајќи ја вината директно на поранешниот светски шампион.
View this post on Instagram
Гарсија продолжува да тврди дека сите други се виновни освен тој. Одбивањето да се преземе трошка одговорност воопшто не придонесува за имиџот на Латиноамериканецот.
