Александар Усик и Ентони Џошуа имаа интересно одмерување на силите, но не во ринг и не со тупаници, туку водеа психолошка битка за време на официјалното мерење пред утрешниот дуел во саудискиот град Џеда од 18 часот.
Тие се гледаа во очи цели 107 секунди.
Украинецот и Британецот ќе се борат за шампионските појаси во тешка категорија во четири од вкупно петте верзии колку што ги има во светот на боксот. На мерењето се утврди дека Џошуа е потежок за 10 килограми.
Двајцата боксери ќе заработат по 40 милиони долари од борбата, плус 50 проценти од продажбата на ТВ преносот. Усик нема пораз во кариерата и ќе се обиде повторно да го совлада Еј-Џеј како во септември во Лондон.
🚨 𝐅𝐈𝐍𝐀𝐋 𝐒𝐓𝐀𝐑𝐄𝐃𝐎𝐖𝐍! 🚨
DON'T BLINK! The intensity in this face-off between Oleksandr Usyk and Anthony Joshua! 🔥🔥 pic.twitter.com/I5hcaqA3B9
— Sky Sports Boxing (@SkySportsBoxing) August 19, 2022
