Александер Красјук, промоторот на Александар Усик, се надева дека Тајсон Фјури нема да бара друг изговор за да избегне борба за обединување на титулата во тешка категорија.
Кралот на Ромите двапати побара одложување на мечот за апсолутен светски шампион против Усик, кој беше преместен за 18 мај во Ријад.
Усик и Фјури ќе се сретнат во меч за сите појаси, а таа борба треба да го круниса првиот неприкосновен шампион во тешка категорија од 1999 година и Ленокс Луис.
Последното одложување на мечот, кој требаше да се случи уште во февруари, дојде откако Британецот се здоби со расекотина над окото за време на спаринг сесијата со Смакиќи, две недели пред борбата.
Красјук истакнува дека Усик е во „совршена форма“ по третиот тренинг по ред, а единствена грижа му е здравјето на Фјури.
„Се надевам дека Тајсон овој пат ќе го шлемот, заштитната опрема и дека нема да ја повреди веѓата или нешто друго, а овој пат борбата ќе се одржи на 18 мај. Како што требаше да се случи во декември, а потоа и во февруари“, изјави Александар Красјук за Скај спорт и продолжи:
„Тоа е борба на животот и цел свет ја чека. Да се молиме за Тајсон и да очекуваме да влезе во рингот на тој датум“.
Промоторот на Фјури, Френк Ворен, неодамна го нарече Усик како „плачливо бебе“, кое го повтори своето несогласување со нискиот удар на Даниел Дубоа во август минатата година против светскиот шампион. Красјук му одговори:
„Секој борец добро го чувствува кога ќе добие низок удар. А тоа се случи во борбата против Дубоа… и, нормално е, не само за Усик, туку и за секој борец, дека многу боли. Ваквите удари се недозволени и забранети во боксот, а судијата тоа мора да го забележи. А како можеш да го наречеш Усик плачливо бебе? Човекот ја одбрани титулата во Полска, никогаш не ја бранеше во татковината. Секогаш одеше во туѓиот двор и ги уништуваше своите противници“.
И двајцата немаат изгубено меч во нивните кариери, Усик го победи Дубоа во последната борба по двете победи над Ентони Џошуа, додека Фјури ја победи поранешната ѕвезда на УФЦ Френсис Нгану со поделена одлука во разочарувачки настап.
„Усик го брка Тајсон Фјури веќе неколку години и се повлекува четири пати по ред – вклучително и две средби во последните шест месеци. Не, тој не е плачко. Тој е одличен боксер и трпеливо чека да зачекори во рингот. Тоа ќе биде голем фестивал за него“, истакна Александар Красјук и подвлече:
„Можам да ви кажам нешто за тајното оружје на Усик, единствениот проблем е што тоа не е тајна. Неговото оружје е неговиот ум, неговото срце, искуство и боксерски вештини. А главната работа што го разликува од Тајсон Фјури е дисциплината. Тоа е она што го прави голем и тоа е неговото најголемо оружје“.
