Преговорите околу боксерскиот меч за апсолутниот светски шампион во тешка категорија меѓу Тајсон Фјури и Александар Усик се прекинати, а нивната борба која беше најавена за 29 април нема да се одржи.
Промоторот на Фјури, Френк Ворен, зрачеше со оптимизам во средата, велејќи дека се обидува да се погрижи „фановите да ја добијат борбата што ја заслужуваат“.
Но, Александар Красјук, промоторот на Усик, потврди дека разговорите се завршени и нема што да се договори и се насочуваат кон организирање меч со друг противник.
Средбата меѓу Тајсон Фјури и Александар Усик сега и официјално пропадна, таа нема да се случи. Промоторот на Усик Алекс Красјук го потврди ова по разговорот со Френк Ворен. Се обидоа да ја спасат борбата“, напиша Мајкл Бенсон во објавата на Твитер.
‼️ Tyson Fury vs Oleksandr Usyk is now completely DEAD and not happening next, Usyk's promoter Alex Krassyuk has confirmed following further talks to try and salvage the fight with Frank Warren today. [@IFLTV]
— Michael Benson (@MichaelBensonn) March 22, 2023
Промоторот на Усик ја објасни целата ситуација пред камерите.
„Тајсон Фјури е тотално преценет. Дали барем еднаш продал над милион ППГ во последните три натпревари? Не, никогаш не продал толку многу. Неговите бројки се помали од оние што ги постигна Ентони Џошуа“, рече Александар Красјук и продолжи:
„Очекуваната такса за мечот меѓу Усик и Тајсон Фјури би била три до четири пати помала од хонорарот платен на последниот реванш на Усик против Џошуа. Слушам дека луѓето велат: „Усик би заработил неверојатни пари“, а тоа не е ни блиску до вистината“.
Александр Усик сега најверојатно ќе се бори со Британецот Даниел Дубоа, носителот на титулата во ВБА (регуларна) и следниот задолжителен предизвикувач.
Но, Дубоа го повреди коленото кон крајот на минатата година на мечот против Кевин Лерена.
Доколку Дубоа не е подготвен за мечот, тогаш во игра би можеле да влезат предизвикувачи на ИБФ или ВБО.
Прв на листата на предизвикувачи на ИБФ е Хрватот Филип Хрговиќ, додека привремен шампион според ВБО е Џо Џојс.
Красјук потврди дека следен во редот е Даниел Дубоа, но доколку Британецот не е подготвен, тогаш во игра би можел да влезе и најдобриот хрватски боксер.
Oleksandr Usyk will begin negotiations for his next fight this weekend, his promoter Alex Krassyuk has stated. Krassyuk added that it will be a mandatory defence with Daniel Dubois (WBA) first in line, but Filip Hrgovic (IBF) also possible if Dubois has not recovered. [@IFLTV]
— Michael Benson (@MichaelBensonn) March 22, 2023
