Јиржи Прохаска е новиот шампион на УФЦ во полутешка категорија. 29-годишната ѕвезда од Чешка успеа да се справи со легендата Гловер Тешеира во брутална борба. Тие го предводеа настанот УФЦ 275 кој се одржа во Сингапур.
Прохаска и Тешеира имаа феноменален дуел во кој имаше се. Тешеира веројатно водеше во картичкте на судиите и доминираше во поголемиот дел од последната рунда. Во последните секунди Прохаска успеа да направи зафат за предавање и го натера Тешеира да се предаде.
28 секунди му недостигаа на Тешеира за да ја донесе борбата до одлука и да ја одбрани титулата.
Прохаска на тој начин стигна до титулата во својата трета борба на најголемата светска ММА промоција. Првите два ги доби со нокаут, а во последниот со завршница (задушување од позади).
Откако си разменија неколку тупаници и ножни удари на почетокот на мечот, Гловер го собори Јиржи и се обиде да ја прекине борбата, но Чехот се покажа како тврд борец.
Застанаа на нозе, но Бразилецот повторно го собори противникот. Тој од доминантна позиција удри неколку пати во Прохаска. Јиржи излезе и на крајот дури и се закани на Гловер кој му остана на грб.
Тешеира во последните десет секунди доби неколку силни удари.
Втората рунда помина во огномет од удари. Од двете страни светкаа разни удари.
Во вториот дел од рундата Гловер го искористи невниманието на Јиржи кога тој падна на подот и на крајот од рундата неколку пати го удри Чехот со лактите и направи расекотина над левото око.
Продолжението понуди нови возбудувања во кои Прохаска бараше борба на нозе, додека Гловер се обиде да го однесе мечот на партер. Чехот одлично го удри противникот и побара нокаут.
Крајот на рундата повторно беше со доминација на Гловер, но и двајцата веќе беа забележително уморни.
И четвртата рунда ја отворија одличните ударни комбинации на двајцата борци, а потоа Тешеира го собори Прохаска и се обиде да ја заврши борбата со прекин.
Јиржи се одбрани и ја зазеде челната позиција во последната минута, но не успеа да го загрози Гловер. Последната минута понуди со неколку пресврти, но изостана поконкретна завршница.
На почетокот на последната рунда Гловер го удри во глава Јиржи, кој остана на нозе. Тешеира продолжи да го погодува Чехот, на две минути пред крајот дојде до водечка позиција, но не успеа да заврши. На половина минута пред крајот на мечот Прохаска го фати уморениот Тешеира и го принуди да се предаде.
