Чехот Јиржи Прохаска (28-3-1) неодамна на импресивен начин стигна до својата втора победа во најсилната ММА промоција во светот. Поранешниот борец на Ризин го победи Доминик Рејес (12-3) со нокаут во втората рунда на УФЦ на ЕСПН 23 во Лас Вегас. Тоа беше негов 12-ти триумф по ред.
По судирот го прозва шампионот Јан Блахович, но полскиот напаѓач во септември за шампионскиот појас на УФЦ ќе се соочи со Гловер Тешеира.
Но, во меѓувреме се огласи и српски борец со австриски пасош, Александар Ракиќ (14-2) и од промоцијата побара борба против Чехот, но се чини дека Јиржи не обрнува многу внимание на тоа.
„Џон Џонс е крал во полутешка категорија и мислам дека би бил мојот најтежок противник. Ќе беше голем предизвик, но тој се пресели во повисока категорија. Доколку се врати во полутешка категорија, тој ќе биде опасен противник“, вели Јиржи Прохаска и додава:
„Ги барам само најдобрите противници. Првиот беше Оздемир и беше одличен, а Рејес беше поголем предизвик бидејќи неговиот стил е единствен и опасен. И сега го сакам Блахович“!
