Поранешниот светски шампион во тешка категорија Александар Поветкин е во последните денови од тренинг кампот за реваншот со Дилијан Вајт.
Тие повторно ќе се сретнат на 27 март во Гибралтар. Првиот судир меѓу двајцата се случи во август 2020 година во Лондон, кога Русинот го нокаутира британскиот противник во петата рунда.
Реваншот требаше да се одржи во ноември, потоа во јануари и конечно на почетокот на март. Сепак, сите три пати договорени датуми не успеаја поради проблеми поврзани со пандемијата на коронавирусот.
Самиот Поветкин помина неколку дена во болница по позитивниот тест на Ковоид-19, но сега сето тоа е минато и ветеранот е подготвен за втора победа над Вајт.
„Го ценам кампот што го направив со мојот тим“, рече 41-годишниот боксер.
„Имаше компликации поради коронавирусот, но сега сè е во ред. Спаринг-натпреварите беа изненадувачки добри. Магомедрасул Маџидов беше дел од мојот тим за овој камп и благодарен сум му за тоа.
Работев многу на одбраната. Ќе се обидам да не бидам отворен како што бев во првите рунди на тој меч. Борбите и тренинзите се различни работи. Се трудам најдобро што можам да заборавам дека го нокаутирав во првата средба.
Едноставно, тоа останува за тогаш. Само затоа што тоа се случи тогаш не значи дека ќе го видите истото сега. Нокаутот не е најважната работа. Ако влезете во даден меч со овој став, ќе изгубите.
За мене е многу поважно и повредно да ја однесам победата. Сè се сведува на тоа“, заклучи Поветкин.
