Потврден датумот за Тајсон – Мејведер!
Легендите ќе се сретнат во спектакуларен егзибициски меч.
Егзибицискиот боксерски меч меѓу Мајк Тајсон и Флојд Мејведер Jуниор е закажан да се одржи на 25 април во Конго. Веста ја објави авторитетниот американски инсајдер на списанието „Ринг“, Мајк Копингер, кој се повика на свои извори.
MAYWEATHER VS. TYSON IS OFFICIAL 🥊
Floyd Mayweather Jr. and Mike Tyson will have an exhibition match in the Democratic Republic of Congo, tentatively agreed for April 25th, 2026, per @ringmagazine pic.twitter.com/44xTvACWX6
— Bleacher Report (@BleacherReport) February 16, 2026
59-годишниот Тајсон е член на Меѓународната боксерска куќа на славните и поранешен апсолутен светски шампион во тешка категорија. Во професионалната кариера има 50 победи, седум порази и две борби прогласени за неважечки.
48-годишниот Мејведер, пак, ја заврши кариерата како непоразен светски шампион во пет тежински категории со совршен скор од 50 победи, од кои 27 со нокаут.
Се очекува судирот меѓу двете легенди да предизвика голем интерес кај љубителите на боксот низ целиот свет.
