Помина година ипол откако Хабиб Нурмагомедов се пензионира.
Непоразениот Дагестанец по победата против Џастин Гејџи најави крај на кариерата.
Поранешниот шампион на УФЦ во полутешка категорија се сврте кон бизнисот, и е сопственик на промоцијата на ФЦ Игл.
Често на натпреварите води борци од Дагестан, а се уште е во одлична форма.
„Не уживам во ништо како тренирање. Само вежбам и тренирам и се чувствувам добро. Дури и успешните деловни состаноци не ми даваат енергија каква што се чувствувам за време на тренингот. Затоа продолжувам да тренирам“, изјави Хабиб Нурмагомедов и откри дека понекогаш е тешко да се носи со тоа што луѓето на улица знаат да го препознаат:
„Може да биде навистина тешко, чувствувајќи како сите те гледаат и се чувствувам непријатно. Затоа знам целосно да се опуштам во дома и тогаш се чувствувам слободно. А тоа се губи веднаш штом ќе го напуштам својот дом“.
Дагестанецот има вкоренети работни навики и кога ќе влезе во сала максимално се посветува на тренинзите. За Јутјуб каналот на неговата промоција Игл Фц откри како изгледа денот во неговиот живот кога нема деловни обврски.
„Наутро трчам, па одмарам дома, а потоа тренирам навечер. Често мислам дека имав само два тренинзи, а потоа го правам третиот, знам да тренирам до полноќ. Понекогаш тренирам три пати на ден, а потоа доаѓам дома, спијам малку и одам на нов тренинг во седум часот наутро. Тоа е мојот живот. Спијте, тренирајте, јадете, повторувајте и тоа е тоа“, подвлече Хабиб Нурмагомедов.
