Американскиот боксер од ерменско потекло Ванес Мартиросјан почина на 39-годишна возраст.
„Ринг“ објави дека причина за смртта бил рак на кожата, со кој Мартиросјан се борел повеќе од две години.
Во 2004 година Ванес се натпреваруваше за Соединетите Американски Држави на Олимписките игри во Атина. Тој има скор од 120 победи и 10 порази како аматер и 36 победи и 4 порази како професионалец.
Во ноември 2013 година Мартиросјан загуби со едногласна одлука од Деметриус Андраде за испразнетата титула во средна категорија на ВБО за јуниори. Во мај 2016 година Ванес загуби од Кубанецот Ерисланди Лара за титулата во средна категорија на ВБА за јуниори. Последната борба на Мартиросјан беше во мај 2018 година, кога загуби со нокаут од Генади Головкин.
Во февруари 2019 година Мартиросјан го објави своето пензионирање од спортот.
