Ентони Џошуа пред неколку дена го победи Френсис Нгану со нокаут во втората рунда на голем боксерски настан во Ријад.
На поранешниот двократен светски шампион му беа потребни само пет минути и 38 секунди за да ја победи големата ММА ѕвезда во само вториот професионален боксерски меч во кариерата.
А пред бруталниот нокаут, Еј Џеј двапати го собори Нгану и веќе беше јасно дека мечот може да заврши многу порано од оној во кој дебитираше пред неколку месеци.
Имено, Камерунецот првата професионална борба во боксерскиот ринг ја имаше на крајот на октомври минатата година кога по десет рунди загуби со поделена одлука против шампионот на ВБЦ, Тајсон Фјури.
Нгану на тој меч ги воодушеви љубителите на боксот, па дури и во третата рунда го нокаутираше Џипси Кинг. Многумина веруваат дека тој беше подобар во таа борба, но судиите одлучија поинаку.
Но, боксерските експерти велат дека работите си дошле на свое место по неодамнешниот пораз на Френсис, при што поранешниот светски шампион во супер средна категорија Џорџ Гроувс се прашува што правеше Фјури на неговиот меч против Нгану.
„Дали настапот на Фјури против Нгану беше најлош во историјата? Каков беше учинокот на светскиот шампион, најдобриот во категоријата, кој требаше да загуби таа вечер. Победи со одлука на судиите против борец кој за прв пат се појави во рингот. Дали тоа беше најлошиот настап во историјата“? праша боксерскиот експерт во неговиот подкаст за Боксерскиот клуб Џорџ Гроувс.
