Пол Далеи ќе влезе во кафезота на Белатор 148 денес, каде што ќе се бори против Енди Урич. Ќе се сретнат на главниот настан на вечерта, но Далеи има на ум друг дуел кој можеби ќе е многу поинтересен.
Борецот изјави дека сака да се бори со легендата Вондерлеј Силва, кој неодамна беше ослободен од УФЦ.
„Сакам да се борам со него повеќе од кој било друг. Знам дека тоа во моментов не може да се случи, но се надевам дека еден ден ќе се сретнеме.
Тој е легенда. Тој е голем. Малку е застрашувачки и агресивен. За мене е сон да застанам против него. Но, мислам дека можам да го победам и тоа со нокаут“.
