Остануваат уште два дена до мега спектаклот и големата пресметка меѓу Тајсон Фјури и Aлександар Усик во мечот за обединување на шампионските појаси во тешка категорија.
Непоразените тешкаши ќе го предводат боксерскиот настан во Кингдом арената во Ријад во сабота, а победникот ќе стане апсолутен шампион во кралската дивизија, првпат по Ленокс Луис кој успеа да го стори тоа пред 25 години.
„Јас живеам во неговите мисли бесплатно, сигурно. Луѓето велат: „Не можеш да му влезеш во главата“. А јас сум веќе во неговите мисли. Мисли на мене секогаш кога ќе стане наутро. Секогаш кога ќе ги затвори очите, срцето силно чука и мисли само на Ромскиот крал. Секогаш кога ќе ги мие забите или кога оди во тоалет мисли на мене и на моето дебело тело. Знае дека доаѓам по него. Јас сум во неговиот ум без кирија, живеам во неговата глава“, изјави Тајсон Фјури.
Украинецот веќе имаше подготвен одговор.
„Навистина не размислувам за Тајсон Фјури. Не гледам како се однесува и што прави. Повеќето од неговите противници паднаа на тоа. Но јас не. Што се однесува до мене, се фокусирам на тоа како сум и како се подготвувам за настапот. Тренерот и јас ги гледавме неговите борби. Се подготвуваме за се. Мораме да внимаваме што прави. Не ми е гајле што мисли Фјури за мене, ниту пак ми е грижа. Имам свои планови. Имам предност пред него, а тоа не го знае“, подвлече Александар Усик.
Боксерите одржаа прес-конференција, а потоа дојде до соочувањето кое Кралот на Ромите вешто го избегнуваше.
Имено, Британецот ја стави капата на главата, а во ниту еден момент не го погледна Усик, кој не го тргаше погледот од него.
Фјури само се насмевна и позираше и ги свитка мускулите, а во еден момент дури ја отпеа песната на Џон Каферти „Хартс од фајр“. Ниту еднаш не се сврте кон Украинецот.
Кралот на Ромите подоцна објасни зошто не го погледнал својот противник:
„Тој е момче со страшен изглед. Сакам да бидам опуштен и смирен да го чекам натпреварот во сабота. Тука завршува приказната“.
А како изгледаше соочувањето погледнете во видеото:
FACE OFF 😤#FuryUsyk | May 18 | Live on DAZN: Click link in bio to buy.#RingOfFire | #RiyadhSeason | @Turki_alalshikh pic.twitter.com/IymEFxq6bV
— DAZN Boxing (@DAZNBoxing) May 16, 2024
