Иван Викиќ извојува уште една ММА победа овој пат на „Ноќта на витезите“ во Бујановац, Србија. Борачот на Балканец со кочански корени го заврши Александар Шевиќ од Србија со армбар во првата рунда во тешка категорија.
„Ја започнав годината со победа, а следната дестинација е Германија, каде што на 2 февруари се борам со Ченгиз Кореј во Хамбург во категоријата до 93 кг за најјаката организација ГМЦ (Германи ММА чемпионшип). Многу сум мотивиран за оваа борба и ќе дадам се од себе да го победам домашниот борец и победата да ја донесам дома“, изјави Иван Викиќ.
