Во театарот на Медисон сквер гарден во Њујорк се одржа завршницата на втората сезона на ПФЛ турнирот.
Во главната борба на вечерта олимписката победничка Кајла Харисон (7-0) во финалето на турнирот во лесна категорија со едногласна одлука на судиите по втор пат годинава ја совлада Бразилката Лариса Пачеко (13-4) и освои милион долари.
На сите победници на турнирот им припадна истиот износ.
Али Исаев (9-0) со нокаут во четвртата рунда против Џаред Рошолт (20-8) го освои турнирот во тешка категорија.
Во полутешка категорија, Емилијано Сорди од Аргентина (22-8) одличната сезона ја заврши со трет прекин на турнирот. Со технички нокаут во првата рунда го победи Џордан Џонсон (12-2-1).
Откако беше поразен во финалето минатата година, Реј Купер III (20-7-1) во вториот обид го освои турнирот во вектер категорија, а со тоа и милион американски долари. Хавајскиот борец во втората рунда го нокаутира Дејвид Михауд (18-6).
Натан Шулте (20-3-1) втора година по ред го освојува турнирот во лесна категорија победувајќи го со едногласна одлука Таџикистанецот Лоик Раџабов (13-2-1).
Втора година по ред и милион долари освои Ленс Палмер. Откако Даниел Пинеда падна на допинг-тестот, поранешниот шампион на ССОФ во финалето во лесна категорија по втор пат се бореше против Алекс Гилпин, победувајќи го со едногласна одлука.
