Александар Стојанов и Благој Трендов, поранешни борачи на Бучим и Спартак, забележаа по две победи за нивниот Кемингхаусен во Бундес лигата 6 во Германија.
Кемингхаусен во борбата за првото место на табелата со Гитерслох забележа победа од 43-12,која го однесе во Бундес лигата 5.
„Стојанов забележа две победи, една со туш, а втората беше предадена, бидејќи противникот не смееше да излезе на душекот. Исто така и јас имав две победи, едната со туш, а другата ја добив напоени 15-0“, вели менаџерот на клубот Благој Трендов, чии амбиции се да се стигне до најквалитетната Бундес лига. Првиот чекор е направен, наредната сезона се очекува уште еден скок во повисок ранг.
Трендов бара борачи за идната сезона, посочувајќи дека пари за ангажманот нема, туку им обезбедува работа, но со европски пасош.
Ipon.mk/В.Д.
