Конечно, Антонио Плазибат ја доби борбата која отсекогаш ја посакуваше, особено во последната година.
Најдобриот хрватски кикбоксер годинава се бори за титулата на Глори во тешка категорија.
Противник на нашиот борец е долгогодишниот владетел на кралската дивизија – Рико Верховен.
Нивната борба во март требаше да биде насловна на настанот Глори Колишн 5, но бидејќи Холанѓанецот се повреди, мечот беше одложен за подоцнежен датум.
„Среќен сум затоа што конечно се борам со Рико. Ме избегнуваше додека патуваше низ светот, но сега конечно е тука во Амстердам“, изјави Антонио Плазибат и додаде:
„Навистина ми е драго што го гледам, тој ќе ми биде најдобар пријател додека не го победам. Сум ги гледал повеќе неговите борби отколку неговите најголеми обожаватели, затоа ми е најдобар пријател“.
Хравтот се надеваше дека ќе се соочи со шампионот во март, но потоа ја доби веста дека Верховен е повреден.
„Тренирав кога стигна информацијата дека Рико го повредил коленото. Еден пријател ми рече дека имам поглед како некој да умрел. Ден пред да дознаам дека борбата е договорена, бев многу возбуден“, се присети Антонио Плазибат и подвлече:
„На сите им кажав дека тренирам за титулата. Секогаш имам намера да ја завршам борбата со нокаут. Лудило, насилство и нокаути. Тоа е она што луѓето го сакаат. Не сакам да се борам за бодови, бидејќи тоа не е победа за мене. Тоа е само доказ дека тој ден бев подобар, можеби спиев подобро или се разбудив посветло. Кога ќе нокаутирате некого, таа личност нема што повеќе да каже. Само наведни ја главата и признај – ти си подобар“!
