Боречките клубови Олимпија од Штип и Безбедност од Скопје (двата клуба се суспендирани-н.з.) преку соопштение најавија дека на претстојното Европско првенство за кадети до 17 години кое треба да се одржи во Скопје, ќе организираат протести.
Во самото соопштение клубовите истакнаа повеќе детали и информации за што станува збор.
„Почитувани,
Јавно се обраќаме до Светската организација за борење UWW, дека на претстојното Европско првенство за кадети до 17 години кое треба да се одржи во Скопје, Северна Македонија, ќе организираме протести.
Во неколку наврати поднесовме дописи до Обединетото светско борење во кои презентираме јасни, прецизни и недвосмислени наводи, факти и документација за бројни неправилности (дискриминација, корупција во водење на дисциплински постапки, нетранспарентно работење, неусогласеност на прописите со прописите на UWW/ ОСБ и националните прописи и многу други неправилности) во работата на Боречка федерација на Република Северна Македонија кои неправилности се потврдени и од судските и други органи на државата а од друга страна UWW не реагира соодветно согласно своите надлежности.
Околу 200 борачи, борачки, стручни лица, општестевени работници се дискриминирани од страна на БФРСМ и нејзиниот авторитет.
Воедно ве информираме, дека во тек се бројни други постапки во судските органи и други државни институции против неправилноститете по различни основи во БФРСМ, а некои од нив се добиени во првостепена постапка.
Имајќи предвид дека наше законско право е да ги бараме нашите права, решивме да го преземеме овој чекор. Во таа насока, ве известуваме, за да не се најдете во непријатна ситуација пред европските борачи – учесници на претстојното Европско првенство за борачи и борачки до 17 години, 09.06-13.06.2025 година во Скопје, Република Северна Македонија, дека протестите ќе бидат ригорозни и секој обид за нивно запирање ќе биде неуспешни.
За протестите навремено ќе бидат известени сите надлежни институции на Република Северна Македонија, Меѓународниот олимписки комитет, Обединетите нации, и другите меѓународни организации за борба против корупцијата, дискриминацијата и лошото управување во спортот.
Затоа, и секако во ваш интерес, како организација со многу висока почит, Ви предлагаме ова Европско првенство во борење да се одржи во друга земја и воедно веднаш и без одлагање да преземете соодветни дејствија и активности против БФРСМ а согласно наводите и фактите наведени во поднесоците доставени до UWW.
Ве молиме, за ваша брза реакција и ваш брз одговор очекуваме најдоцна до 15 Април 2025 година.
Спортски поздрав,
БК Олимпија, Штип
ПБК Безбедност, Скопје“, се вели во соопштението на клубовите.
(Овој текст/писмо го изразува личното мислење на авторот и може да не се совпаѓа со редакцискиот став на Ипон.мк.)
