Шампионот на УФЦ во лесна категорија, Чарлс Оливеира, предвидува победа со завршница во првата одбрана на појасот на најелитната ММА организација во светот. Тој верува дека има супериорност во стој и партер во однос на првиот предизвикувач, Дастин Пориер.
Бразилецот признава дека Пориер е опасен, но е категоричен дека ќе го одбие.
„Ќе го одбијам Пориер. Тој е еден од најопасните борци во категоријата. Секогаш оди напред, но мислам дека сум на друго ниво во стој и во партер“, изјави за Шердог спортистот со најмногу завршници во УФЦ.
Битката со Пориер се уште не е официјализирана, но Чарлс додава дека е подготвен да се бори против секого.
„Ќе се соочам со кого треба во декември“.
Според mmafighting.com, Оливеира и Проиер ќе се борат на 11 декември за време на настан што ќе ја вклучи титулата во перо категорија на Аманда Нунеш. Се уште не е позната локацијата на битките.
