Хрватскиот кикбоксер доби награда за бруталниот нокаут со кој го заврши романскиот тешкаш.
Најдобриот хрватски кикбоксер Антонио Плазибат имаше одлична година во 2022 година. Иако сите се надеваа дека ќе добие шанса да се бори за титулата во тешка категорија на Глори во текот на минатата календарска година, Рико Верховен реши да паузира една година од одбраната на титулата и Плазибат мораше да се сврти кон други предизвици.
Антонио не се двоумеше да го одбрани првото место во редот на предизвикувачи и во петтиот месец прифати борба против опасниот Тарик Хбабез и покрај тоа што веќе го победи Мароканецот во 2021 година. Само осум месеци по првата победа над Хбабез, Плазибат ја забележа и втората.
До втората стигна малку потешко, односно на почетокот на третата рунда (првата победа ја извојува во втората рунда). Отежителна околност беше повредата на коленото што ја доби при борбата, но Плазибат успеа да „стисне заби“ и да го нокаутира „Тенкот“.
До 11-тиот месец се чекаше нов настап, а Раул Катинас се најде на спротивната страна од рингот до Плазибат. 34-годишниот Романец во борбата влезе со скор 41-7, а преку 48 професионални настапи загуби само еднаш со прекин. Тоа беше во 2012 година кога Бен Едвардс го победи со технички нокаут.
„Белиот Тајсон“ е прекарот на моќниот романски напаѓач, но Катинас издржа само 100 секунди во рингот со Плазибат. Речиси целосно испадна од рингот по жестоката серија удари од Плазибат. Хрватскиот тешкаш брутално го нокаутира Катинас на настанот Глори 82 што се одржа во Бон (Германија), а денеска Плазибат доби големо признание за тој нокаут.
Имено, нокаутот против Катинас е прогласен за најдобар нокаут на Глори во 2022 година. Џамал Бен Садик со нокаут против Бенџамин Адегбуји и Тарик Осаро со нокаут со кој заврши Аберрахман Баркуш беа конкуренција на Плазибат, но хрватскиот тешкаш ја освои наградата.
