Френсис Нгану тврди дека удира посилно од поранешниот боксерски шампион Дионтеј Вајлдер. Сите љубители на боксот знаат дека Вајлдер има огромна сила во рацете и успеа да добие 41 од своите 42 победи со нокаут.
„Предаторот“ викендов влегува во кафез и ќе ги одмери силите со Сирил Гане. Ова ќе биде последната битка од договорот на Нгану со УФЦ. Моментално е неприкосновен шампион и ќе се обиде да остане таков.
Според договорот, Нгану е обврзан да направи уште една битка доколку остане шампион во борбата со Гане, иако договорот му истекува. Меѓутоа, ако Нгану загуби, тогаш тој е слободен да преговара со други организации и да потпише со нив.
Во Калифорнија не очекува интересен викенд. Нгану постојано размислува за боксерските натпревари и во интервју со Мајкл Биспинг рече:
„Нема непријателство меѓу мене и Сирил Гане. Има луѓе кои измислуваат разни работи и манипулации. Тие се обидуваат да ја продадат борбата. Да, јас сум заинтересиран за бокс и тоа ќе се случи.
Во последните две години, Тајсон Фјури и јас се предизвикуваме еден со друг. Не сме преговарале, но разменуваме закани на социјалните мрежи. Се чини дека Фјури е подготвен за ова.
Моментално работам на мојата борба во стој и бокс, но не можете да се потпрете само на тоа во борбата со Тајсон Фјури. Овој човек има големо искуство и е шампион во бокс.
За таква битка потребен ви е вистинскиот тренинг. Ова не е шега. Удирам посилно од Дионтеј Вајлдер. Можеме да се обидеме“.
