Френсис Нгану направи се што може за да се договори со претседателот на Ултимејт фајтинг шампионатот (УФЦ), Дана Вајт.
Случајот со „Предаторот“ не беше првпат Вајт да не може да се договори со шампионот на планетата во тешка категорија, па поради тоа вратата на УФЦ на Нгану се чини е затворена.
Вчера, Нгану ја објави веста дека потпишал договор со ПФЛ откако го напушти УФЦ и ја ослободи титулата во јануари 2023 година. Не се чувствува лошо за тоа како пропаднаа нивните преговори.
„Имаме долги, добри односи, го почитувам тоа“, изјави Нгану за ММА Час. „Го почитувам она што УФЦ го направи за мене, го ценам, продолжувам со мојот живот, имавме договор, не можевме да се договориме за друг и продолжувам понатаму. Тие треба да можат да продолжат понатаму. Со сета оваа жолчна ситуацијанема ништо лично, само се занимавам со бизнис и што е добро за мене.
Жал ми е ако тоа што е добро за мене е лошо за некого, се додека тоа не те повреди тебе лично. Јас само го правам она што е добро за мене. Не ми е гајле за останатото. Зошто да бидам вознемирен? Сè ми излезе многу добро. Па јас сум добар човеку“.
Наместо да го добие долгоочекуваниот мега судир меѓу Нгану и великанот на сите времиња Џон Дојонес, УФЦ во тешка категорија се сврте кон Сирил Гане како противник на Џонс во борбата за празната титула. Џонс ја освои титулата во втората дивизија во своето деби во тешка категорија, импресивно завшувајќи го Гане со гилотина во првата рунда.
Нгану се очекува да дебитира во ПФЛ во 2024 година. Поранешниот носител на титулата на УФЦ не се борел од неговата единствена успешна одбрана на титулата против Гане со едногласна одлука во јануари 2022 година.
„Пред мојата последна борба со Сирил Гане, го запознав Дана и отидов кај него и му реков: „Го ценам сето она што го направи за мене. Ја ценам сета помош, но во овој момент се чувствувам како повеќе да не припаѓам овде. Се чувствувам како да не сум дел од организацијата“, рече Нгану. „Во борба сум со промоцијата и не знам точно како се боррам со промоцијата.
Тој ми рече: „Да, те сакаме овде. Мислам дека треба да го промениш твојот тим или нешто слично“. Не, се чувствувам како во последно време да сум дел од промоцијата без таа да се грижи за мене. Веќе немам промотор и тоа му го кажав на Дана.
Јас лично му зборував како маж со маж и сум јасен. Не сум задоволен само со тоа како се одвиваше бизнисот меѓу нас. Тоа е се“.
