Френсис Нгану, актуелен шампион на УФЦ во тешка категорија, уште еднаш ја демонстрира својата љубов кон својата земја. Камерунецот на социјалните мрежи сподели фотографии од купена опрема за идниот фитнес центар што го гради во селото каде што е роден, надвор од градот Бати.
„Уште еден успешен ден на контејнерите. Сето тоа се враќа во Камерун за моето село и новата теретана што ја градиме“, ги увери обожавателите Нгану.
Камерунецот се опоравува по операцијата на десното колено. Операцијата беше неопходна по успешната последна одбрана на појасот против Сирил Ганe. Тој пред извесно време сподели видео како изгледа неговото оперирано колено.
Дури и по операцијата, стана извесно дека закрепнувањето на Нгану може да трае дури девет месеци. За тоа време неговиот шампионски појас меѓу тешкашите во УФЦ нема да биде празен, увери Дана Вајт. Многу е веројатно дека повторно ќе се користи привремена титула за да останат гладни за успех преостанатите тешкаши. Сепак, самиот борец увери дека се очекува да закрепне побрзо од очекуваното.
Нгану ги доби последните 6 УФЦ борби со нокаут. Пред одбраната против Гане, тој го нокаутира Стипе Миочиќ кон крајот на март 2021 година, со што му ја одзеде титулата. Камерунецот ги победи и Картис Блејдс, Каин Веласкез, Жуниор дош Сантос и Жаирзињо Розенструик. Победата над секој беше постигнат за околу или нешто повеќе од 1 минута!
