Непоразениот Жилберто Рамирез убедливо стигна до својата 42-а професионална победа. Мексиканскиот боксер го победи Кубанецот Саливан Барера со нокаут во четвртата рунда на стадионот „Бенк од Калифорнија“ во Лос Анџелес. На Зурдо де Ори тоа му беше 28-ми триумф со нокаут.
Мексиканецот уште еднаш покажа каков динамит има во рацете и дополнително го рафинираше својот стил откако започна соработка со Оскар де ла Хоја.
Рамирез тактички ги боксираше првите две рунди за собирање поени, а во третата ја почувствува слабоста на противникот. На крајот од третата рунда профуче еден удар на Рамирез и судијата мораше да му брои на Барера за прв пат.
Судијата мораше повторно да ја прекине борбата по една минута во четвртата рунда, но Барера се врати.
Мислеше дека може да продолжи да се бори, но болката очигледно беше преголема. Половина минута подоцна тој само клекна на колена и судијата го прекина мечот.
Со оваа победа Жилберто Рамирез покажа дека е подготвен да атакува на титула во полутешка категорија. Појасите на ВБЦ и ИБФ се во сопстевност на Артур Бетербиев, Дмитриј Бивол ја има титулата на ВБА, а Џо Смит Јуниор е носител на ВБО титулата.
Се чини дека токму Смит најмногу му одговара на Жилберт Рамирез. Мексиканецот е трет во полутешка категорија во светот според рангирањето на BoxRec, зад Бетербиев и Бивол.
Најдобрите моменти од натпреварот помеѓу Жилберт Рамирез и Саливан Барера можете да ги погледнете ОВДЕ.
