Утре во Скопје се одржува Државното карате првенство за сениори, на кое се пријвени 81 натпреварувач од 19 клуба.
Поинтерсни ќе бидат натпреварите кај мажите, бидејќи има поголема конкуренција и по двајца до тројца се борат за шампионската титула и за место во репрезентацијата за Европското и Светското првенство.
Да поченеме со ред.
Во категоријата до 60 килограми (7 натпреварувачи) е неприкосновениот Емил Павлов од КК Штип, но на вратата на репрезентацијата се посилно чука јуниорот 21 Мартин Стојменов од КК Партизан-Кочани, а тука се и е Горан Николовски од Металург и Шабан Муртиши од Дрини.
Најголемата гужва е во категоријата до 67 килограми (12 натперварувачи), каде што рамноправно за шампионаската титула ќе се борат младиот Адил Мехмед од Металург, Ненад Ќелебиќ од Цветан Димов, Ирфан Мисини од Башкими-Куманово, Дејан Црничиќ од Кеикс и Ико Ташов од Металург.
Исклучително квалитетни борби треба да се видат во категоријата до 75 кг (10 натпреварувачи), бидејќи тука се тазе освојувачот на бронзениот медал од ЕП во Лимасол за јуниори 21 Азиз Исмаил-Металург, потоа сребрениот од минатогодишното ЕП Петар Заборски-Макпетрол, најсискусниот и прв фаворит Иво Цветковски-Металург, како и искусните Халид Османи-Макпетрол, Енес Смаилагиќ-Цветан Димов и Тодор Ристесвкси-Спорт 94.
Во македонската категорија, како што веќе е позната во светот, до 84 кг (8 натпреварувачи) со нетрпение се очекува боирбата меѓу „Големиот победник“ на Карате 1 Премиер лигат 2015, Симон Антиќ-Макпетрол и Берат Јакупи-Асиарт, која сака да си го вррати местото во репрезентацијата. Но, тука се и Виктор Крстевски-Металург, Сашко Патраклиев-Македонка и носителот на бронзениот медал од ЕП во Кипар Петар Спасеновски-Металург.
Кај тешкашите над 84 кг (10 натпреварувачи) најуспешниот каратист за минатата година, Мартин Несторовски-Металург, кој на ЕП и на ЕИ ги освои брозените медали ги чека на пресметка повратникот во оваа конкуренција Жарко Арсовски-Макпетрол, како и Дејан Павлов-Макпетрол и Семир Ќосовиќ –Металург.
Во екипна конкуренција-мажи се очекува пресметка меѓу Металург и Макпетрол. Кај жените конкуренцијата е многу мала и може да го издвоиме судирот меѓу повратничката Марија Матракоска-Ронин и Симона Заборска-Макпетрол во -55 кг. Во делот на катите се очекува доминација на претставничките на Ронин, а кај мажите на Вардар, однонсо на Маријана и Мишела Димоски, Пуликсенија Јовановска, како и Ферри Исиќ.
Посебен предизвик за сите е борбата за место во репрезентацијата и првопласираните да патуваат на Балканското првенство во Истанбул за две недели.
Ipon.mk/В.Д.
