Меѓународниот олимписки комитет (МОК) ќе расправа за евентуалното обновување на лиценцата на Меѓународната боксерска федерација (АИБА) по Олимпијадата во Токио, соопшти прес-службата на организацијата.
Игрите во Токио беа закажани за 24 јули – 9 август оваа година, но беа одложени до 23 јули – 8 август 2021 година поради пандемијата на коронавирус. МОК планираше да разговара за статусот на АИБА по Олимпијадата.
„Одземањето на лиценцата на АИБА е поврзано со периодот на Игрите. За статусот на федерацијата требаше да се расправа по Олимпијадата во Токио и тоа останува валидно. Останатите турнири за квалификациите во боксот ќе ги води специјална работна група со која претседава Моринари Ватанабе , а групата за набљудување предводена од Ненад Лаловиќ, исто така, ја продолжува својата работа“, рече спортскиот директор на МОК Кит Меконел.
На 30 ноември 2018 година, МОК ги замрзна плановите за домаќин на турнирот во боксот во 2020 година, откако започна истрагата за АИБА. Во мај 2019 година, МОК реши да го задржи спортот на Олимписката програма, но ја повлече лиценцата на Меѓународната федерација поради проблеми поврзани со финансиите на централата, судиите и етичкиот кодекс.
