Мирко Филиповиќ вчера излезе од болницата „Света Кетрина“, по операцијата на левото колено и една од најтешките повреди во кариерата.
Мирко за Индекс.хр потврди дека имал делумен парцијална руптура на медијалните колатерални лигаментите, потполно ги скинал предните вкрстени лигаменти, ги истегнал латералните лигаменти и ја повредил ‘рскавицата.
Операцијата помина добро, Мирко веќе многу години е под заштита на истите стручна екипа од тимот на Драган Приморац, но за прв пат му го отвораа левото колено. За време на спарингот минатиот петок, само една недела пред големиот реванш со Рој Нелсон на Белатор 200 во Лондон, Мирко го повреди коленото.
Ја префрли тежината на левата нога, а внатре се испука.
„Ќе полудам, само да ги фрлам патериците“.
Од Индекс утровор разговарале со него додека го возеле на првата терапија.
„Добро сум, а што можам. Се чувствувам добро, благодарам на сите за поддршката. Само да ги фрлам овие патерици, тоа ми е најтешко. Не смеам да ја свиткам ногата, во лонгета сум и тој период ќе трае четири недели. Тоа е најлошиот период, ќе полудам. Но што е – тука е“.
Повредата што ја претрпе и за многу помлади спортисти значи голем ризик за кариерата, но Мирко не се предава и планира нов меч.
„Лекарите велат шест месеци, тоа е и некој просек. Ги кршев лигаментите на десната нога, знам што ме чека. Тоа е индивидуално. Просекот на 400 метри е три минути, а светскиот рекорд е околу 40 секунди. Работата е во терапијата, дисциплината и состојбата на организамот. Голема среќа е што целосно сум подготвен и истрениран, во топ форма сум и ќе направам се за што побрзо да се оправам. Го молам Бог, само што побрзо да се ослободам од патериците.. Тоа е таков притисок, ма катастрофа, не можам да се свртам …“.
Мирко вели дека не го интересира што вели за неговата повреда Нелсон и дека не гледа причина да не го договорат реваншот веќе во октомври.
„Реално е, зошто не? Борците доживуваат повреди секој ден. Повторно ме чека смао работа и пот. Жал ми е заради навивачите кои купиле билети, но се надевам дека ќе се одолжиме. Бев под адреналин по повредата, размислував за сè, најмногу за тоа како ќе ги разочараме луѓето. Но, Белатор ќе чека“, рече 43-годишниот Филиповиќ за Index.hr.
