На шампионот во тешка категорија на УФЦ, Стипе Миочиќ, не му пречи да се бори против Тајсон Фјури и во октагон и во бокс.
Миочиќ ја слушна веста дека Фјури изразил желба да се натпреварува по правилата на мешаните боречки вештини. Шампионот во бокс во тешка категорија разговараше со Конор Мек Грегор за тренинзите и потенцијалното искуство во ММА. На Интернет се појавија видео снимки на кои се гледа тренингот на Тајсон со соборецот од средна категорија на УФЦ Дарен Тил.
Миочиќ (37) беше гостин во познатата ММА емисија. За време на интервјуто, носителот на титулата во тешка категорија изјави дека сака да се сретне со Фјури во спортот. Ако не се согласи да се бори во кафезот, тогаш Стипе би прифатил меч и во боксот.
„Тој е талентиран борец, па дефинитивно ќе има добра стој“, рече Миочиќ. „Но, секој може да направи видео од 30 секунди од главните моменти. Дефинитивно, ако сака да одам во октагонот, би сакал да бидам таму. Доколку е потребно, Ако треба, ќе бидам и во боксерскиот ринг. Ми се допаѓа да боксирам. Би сакал да боксирам против него. Тој е одличен борец и голем пријател. И двајцата ќе направиме одлично шоу “.
„Кралот на Циганите“ го очекува долгоочекуваниот реванш со Дионтеј Вајлдер. Вајлдер најпрво треба да го помине Луис Ортиз кои на 23 ноември се срќаваат по втор пат.
Што се однесува до Миочиќ, неговиот следен меч се уште не е извесен. Претседателот на УФЦ, Дана Вајт изјави дека организацијата ќе бара трета пресметка меѓу него и Даниел Кормиер веднаш штом Миочиќ се почувствува дека е како што треба.
