Грузискиот ММА борец Мераб Двалишвили кој се натпреварува во бантам категорија на УФЦ постави апсолутен рекорд по бројот на обиди за соборување во борбата со поранешниот шампион Петар Јан.
Мераб Двалишвили забележа 49 обиди за соборување против Јан. Претходното постигнување беше на Каин Веласкез – 33 обиди. На главниот настан на турнирот УФЦ Фајт најт 221 Мераб Двалишвили го победи Јан со едногласна одлука.
За Петар Јан ова е трет пораз во низа и четврти во последните пет борби. Вкупно, рускиот борец има 16 победи во професионални мешани боречки вештини и пет порази.
Мераб Двалишвили ја извојува деветтата последователна победа. Вкупно има 16 победи во ММА со четири порази. Таа победа му донесе шанса за титулата, но за жал нема да се бори за неа бидејќи е соборец на шампионот Алџамејн Стерлинг.
Двалишвили ќе чека Стерлинг да ја смени категоријата или да ја загуби титулата.
View this post on Instagram
View this post on Instagram
