Израел Адесања – Роберт Витакер 2 нема да се одржи до крајот на годината. Менаџерот на Австралиецот Титус Деј ја објави комплицираната ситуација со Ковид-19 во земјата и колку ќе биде тешко да се организира битката во моментов.
Таа беше закажана за октомври, но речиси невозможното патување во моментот ја уништи.
„На Роб му беше кажано дека ќе се бори во Медисон сквер гарден“, изјави Деј за Дејли Телеграф.
„После тоа се појавија нови ограничувања. Адесања на крајот може да дојде во Америка на мечот, но тогаш нема да може да се врати во Нов Зеланд. Во моментов знаеме дека ќе има битка, но не кога.
Гледајќи ја ситуацијата во Австралија и Нов Зеланд, за мене е невозможно да го направам тоа порано од следната година“, додаде Ден.
Адесања и Витакер се сретнаа во октомври 2019 година. По поразот Роберт забележа три големи победи – против Дарен Тил, Џаред Канониер и Калвин Гастелум.
