Американски професионален боксер, Флојд Мејведер Јуниор, кој е без пораз во карирерата, одлично заработил на мечот за светските титули во тешка категорија меѓу Владимир Кличко и Тајсон Фјури. Според информации на бокс-сајт, поранешниот светски шампион во бокс во пет различни категории, Флојд Мејведер, се обложил со 4.800 долари за победа на поени на Тајсон Фјури во 12-рунди. Во саботата во Дизелдорф (Германија) Тајсон Фјури го победи Владимир Кличко на поени со едногласна одлука судиите и му ги презема светските титули. Победата на Тајсон Фјури му донела заработка на Флојд Мејведер од 22.000 долари.
