Мартинез: Се надевам дека на Кро Кап ќе му приредам непланирана проштална борба

Следната борба на Мирко Филиповиќ е на 30 септември на Ризин 13 во Саитама супер арена.

Негов противник е Роке Мартинез (13-4-2). 32-годишниот Американец има победи против Џајдип Синг и Жером Ле Банер, а во последниот меч пред две недели со технички нокаут во првата рунда го совлада Кијоши Кубавара (11-9). Има 5 победи со нокаут и 4 со сабмишн. Единствениот пораз со нокаут го доживеа од Келвин Филијал (15-8-2-1НЦ) во 2011 година.

Мартинез преку Фејсбук и во официјалното соопштение на Ризин објави дека 30 септември ќе биде негов ден.

„Се борам со еден од најдобрите кој некогаш се занимавал со ова. Време е да Саитама супер арена да грми. Чест ми е што ќе се борам со легендарниот борец кој ја правеше историјата. Но, јас ја имам мојата гордост како шампион на Дип (DEEP) и ќe ja искористам оваа прилика да ја променам историјата. Се надевам дека ќе му подготвам непланирана проштална борба“.

Кро Кап ја испрати следната порака: „Поздрав до сите фанови на Ризин. Среќен сум што може да ја најавам следната борба на 30 септември во Саитама супер арена против Роке Мартинез. Пред четири месеци заработив многу непријатна повреда, но сето тоа е зад мене.. Ве молам, дојдете во Саитама да ја гледате мојата борба и да уживате во настанот“.

РИЗИН 13:
Теншин Насукава – Кјоџи Хоригучи [кикбоксинг]
Таига – Кенто Харагучи [кикбоксинг]
Ајака Хамасаки- Мина Куробе
Каи Асакура – Топнои Тигер Мај Тај
Микуру Асакура – Каршига Даитбек
Енди Нгуен – Мију Јамамото
Дарон Крукшанк – Диего Брандао
Мицухиса Сунабе – Харуо Очи

Јусаку Накамура – Манел Кепе
Мирко Кро Кап – Роке Мартинез
Јиржи Прохаска – Џејк Хеун Дорс

ПОВРЗАНИ ВЕСТИ

ПОПУЛАРНО