Еквадорецот Марлон Вера го изведе еден од најдобрите финиши оваа година. На настанот УФЦ на ЕСПН 41 во Сан Диего, Чито го удри Доминик Круз со фантастичен хај-кик и ја заврши борбата.
Тоа беше 20-та победа на Вера во кариерата и четврта по ред.
Почетокот на мечот му припадна на Круз, кој беше многу агресивен во првата рунда, имаше 21 значаен удар, додека неговиот противник упати само девет значајни удари.
Но, еден од ударите на Вера добро го потресе американскиот борец. Втората рунда продолжи со високо темпо, а започна со киксот на Вера, кој Круз го блокираше.
Американецот повторно имаше повеќе удари. Во првиот дел од третата рунда Марлон повторно го удри Доминик, кој забележливо почна да намалува.
Круз три пати се обиде да го собори противникот, но не успеа.
Во четвртата рунда со силен удар го собори Вера, но не беше сериозно потресен и веднаш се врати на нозе.
А потоа дојде одличната завршница на Вера. Чито го затресе Круз со фантастичен висок удар и го принуди судијата Херб Дин да го прекине натпреварот.
View this post on Instagram
Марлон Вера на тој начин ја постигна најголемата победа во кариерата и сега може да се надева дека ќе ја нападне титулата во бантам категорија. Но прво на 22 октомври не чека пресметката меѓу шампионите Алџамејн Стерлинг и Т.Ј. Дилашоу.
Во ко-хедлајн борбата во перо категорија, Нејт Ландвер го победи Дејвид Онама со мнозинска одлука.
Македонката Нина Ансароф, сега Нунеш, забележа победа против Синтија Калвиљо со поделена одлука на судиите. Ова е 11 победа, а има 7 порази.
Резултати од УФЦ на ЕСПН 41:
Марлон Вера – Доминик Круз – КО (удар во глава), Р4 (2:17)
Нејт Ландвер – Дејвид Онама – мнозинска одлука (28–28, 29–27, 29–27)
Јазмин Јауреги – Јасмин Лусиндо – едногласна одлука (30–27, 29–28, 29–28)
Азамат Мурзаканов – Девин Кларк – ТКО, Р3 (1:18)
Присила Кахоеира – Аријане Липски – ТКО, Р1 (1:05)
Џералд Мершарт – Бруно Силва – завршница (гушење со гилотина), Р3 (1:39)
Воведни борби:
Ангела Хил – Лупита Годинез – едногласна одлука (29–28, 29–28, 29–28)
Мартин Будај – Лукаш Брзески – поделена одлука (29–28, 28–29, 29–28)
Нина Ансароф Нунеш – Синтија Калвиљо – поделена одлука (28–29, 29–28, 30–27)
Габриел Бенитез – Чарли Онтиверос – ТКО, 1. коло (3:35)
Тајсон Нам – Оде Озборн -КО, Р1 (2:59)
Џош Квинлан – Џејсон Вит – КО, Р1 (2:09)
ДаМон Блекшир – Јусеф Залал – нерешено (29–28, 28–28, 28–28)
