Противникот на Ристо Димитров на ФФЦ 19 во Линц, Австрија, Мануел Билиќ во интервју за „Фајтсајт“ се осврна и на нивниот дуел, при што се обиде да го дискредитира нашиот борец. Можеби тоа е дел од татктиката да внесе нервоза кај Димитров пред мечот.
Новиот противник е Ристо Димитров. Дали ја гледаше неговата борба против Џорџ Вардис на ФФЦ? Што виде од неа?
-Ја гледав таа борба и мислам дека тој не требаше да победи. Толку може да кажам за тоа што успеав да го видам, односно ова е мое лично мислење.
Каде ја гледате Вашата предност, а на што треба најмногу да внимаваш кај Димитров?
-Мојата предност е пред се во искуството. Имам зад себе 12 К -1 и 10 ММА борби, секако дека ќе го искористам тоа. Освен тоа, се борам во својот град- Линц.
