Македонската таеквондо федерација (МТФ) викендов има заеднички тренизи со Бугарската таеквондо федерација во бугарскиот град Дупница.
„Стручните штабови се договорија да се изработат четири заеднички тренинзи, на кои ќе се форсираат спаринзи и борби се со цел да се подобри формата за претстојните големи натпреварувања -Европско кадетско првенство во Романијан на 8 септември, Балканското за сите возрасти на 25 септември во Бугарија и Светското јуниорско во ноември во Канада“, велат од МТФ.
За Бугарија отпатуваа 25 репрезентативци од различни возрасти. Тренинзите ги водат селекторите на обете репрезентации.
Од МТФ нагласуваат до почетокот на август ќе биде истакнат списокот на репрезентативците кои ќе настапат на наведените првенства.
Ipon.mk/В.Д.
