Мајкл Пејџ се најде насловните страници од минатата недела откако стана познато дека поранешниот борец на Белатор ќе го има своето боксерско деби со голи раце против Мајк Пери на БКФЦ 27 на 20 август во Лондон.
Веста беше изненадувачка, бидејќи Белатор очигледно му дозволи на Пејџ да се бори со ѕвездата на БКФЦ – нешто што малкумина го очекуваа.
„Ме познавате, сакам да правам врева“, рече Пејџ. „Да не беше Белатор, немаше да можам да ја направам оваа борба. Не можев да се борам за нив пред октомври, а сега сум свеж. Затоа сакав да боксирам, да направам нешто.
Тренерите ми го понудија овој натпревар, јас го споделив тоа со Белатор. Разговараа со БКФЦ и работите почнаа да се движат.
Сите се возбудени поради оваа средба. Мислам дека сите ќе имаат корист од тоа. Ќе направиме врева и ќе биде добро за Белатор како организација. Ова покажува дека тие ги поддржуваат своите борци. Можете исто така да видите дека работат и со Игл ФЦ“.
View this post on Instagram
Последен пат Пејџ се бореше во мај на Белатор 281 во Лондон. Англичанецот забележа пораз со судиска одлука против Логан Сторли за привремената титула во полусредна категорија. Со ова беше прекината победничката серија од шест ММА победи.
Иако овој натпревар доаѓа како изненадување, Пејџ вели дека отсекогаш го интересирале овие правила.
„Откако стана легално, дефинитивно имав интерес да го правам тоа, кога бев мал гледав такви средби, но тогаш беа малку нелегални.
Кога почна да станува популарен, мислев дека еден ден ќе се обидам. Никогаш не очекував дека работите ќе се развиваат толку брзо. Но, да, дефинитивно отсекогаш сакав да се обидам да боксирам со голи раце“.
И неговиот противник во BKFC е голем борец.
„Тој е ѕвер, тој е одличен. Знам дека е многу тежок. Вистински воин. Боксот со голи раце дефинитивно му одговара, но одговара на мојот стил. Сакам да направам шоу за сите кои ќе дојдат да ме гледаат”.
