Тони Фергусон (38) минува низ тежок период. Американскиот ММА борец ја добио последната борба во јуни 2019 година, кога со прекин го совлада Доналд Цероне, тоа беше негова 12-та победа во низа на УФЦ.
И од мај 2020 година, сè тргна на лошо за него. Ел Кукуј ги загуби последните пет борби (Џастин Гејџи, Чарлс Оливеира, Бенеил Дариуш, Мајкл Чендлер и Нејт Дијаз) и итно му е потребна победа.
Многумина се согласуваат дека најдобрите денови на Фергусон завршија и можеби треба да размисли за завршување на кариерата.
Тој се уште е дел од ростерот на УФЦ, а промоцијата ќе му даде уште една шанса. Деновиве Мајкл Џонсон го прозва Ел Кукуј.
„Тони Фергусон, не знам дали се уште си во големата игра? Ако си и сакаш да се вратиш во лесна категорија, ти нудам шанса да се поправиш. Можеме да се бориме и во средна категорија. Да им го дадеме на навивачите тоа што го сакаат“, напиша Мајкл Џонсон на Твитер.
Во мај 2012 година Џонсон го победи Фергусон со едногласна одлука, кој имаше серија од 12 победи по тој пораз.
Минатата година се бореше три пати, имаше две победи и еден пораз. На последниот меч во декември со едногласна одлука го победи Марк Дијакизе.
Yo @TonyFergusonXT not sure if you’re still in the big game, but if so and you want to come back to 55 I’ll give you a chance to redeem yourself. 😎 or we can do it 170 also!! Let’s give the fans what they want!!!
— Michael Johnson (@Menace155) January 13, 2023
