Лесната категорија во бокс одеднаш сериозно се раздвижи, бидејќи врвните имиња во дивизијата покажаа висока активност во изминатите неколку месеци. Навивачите се поделени за тоа кој меч би сакале да го видат прв. Сепак, се чини дека Џервонта Дејвис (30-0) би можел да се соочи со Шакур Стивенсон (22-0), додека Васил Ломаченко (18-3) ќе го чека победникот. Или барем ова е мислењето на еден од тренерите на Тенк – Кени Елис, цитиран од Бокс сцена.
„Ломаченко рече дека е подготвен да се повлече за да му дозволи на Џервонта Дејвис наесен да се бори со Шакур Стивенсон, а потоа да се сретне со победникот на почетокот на 2025 година“, рече Елис на социјалните мрежи.
36-годишниот Украинец ја има светската титула на ИБФ по победата во мај над Џорџ Камбосос Јуниор, додека Дејвис го држи појасот ВБА, а Шакур го пседува на ВБЦ. Така во следните два меча би можеле да имаме еден носител на три од најценетите појаси во боксот.
Сепак, не треба да се заборави дека изминатиов викенд статусот на непоразен го задржа и Вилијам Зепеда (31-0) со победата над Џовани Кабрера (22-2). Мексиканецот несомнено има аргументи да истурка меч за една од светските титули.
