Ленокс Луис е желен за боксерска пресметка со Џејк Пол.
Поранешниот апсолутен шампион во тешка категорија се повлече од боксот во 2003 година. Го напушти спортот со победа со прекин над тогаш новата ѕвезда, Витали Кличко. Сепак, секогаш ја оставаше отворена вратата за евентуално враќање во рингот.
Додека неговиот поранешен ривал Тајсон се подготвува за профитабилна пресметка со Пол во ноември, Луис е исто така отворен за идејата за враќање за да докаже дека се уште е во врвна форма.
Запрашан дали ќе се бори со победникот во борбата Тајсон-Пол, Луис изјави за Фокс 29 Филаделфија: „Тоа е добро прашање. Се надевам дека Тајсон ќе го остави малку Џејк Пол за мене“.
„Можеш да се бориш со некој таков и да направиш добро, бидејќи личноста со која се бориш не е вистински борец и веќе знаеш стотина работи што тој сега ги учи.
Возраста може да биде одлучувачки фактор ако борбата трае предолго, но ако се приближат и Мајк Тајсон дојде со неговата комбинација од десет секунди, ако некој од тие удари го погоди, Пол дефинитивно ќе падне“.
Луис многу добро знае какво е чувството да се дели рингот со Тајсон. Во 2002 година Британецот ги одбрани титулите во тешка категорија на ВБЦ и на ИБФ против „Железниот Мајк“ во она што беше последната борба на Тајсон за светска титула.
Тајсон добро започна, но до четвртата рунда Луис влезе во својот ритам и почна да го удира Американецот со директи и десен аперкат. Во осмата рунда Тајсон падна по лев аперкат и момент подоцна беше нокаутиран со прецизен десен директ.
Луис беше награден со нокаут на годината од страна на магазинот Ринг во 2022 година и се бореше уште еднаш пред да се пензионира.
Од друга страна, Тајсон боксираше уште три години, но не успеа да ја достигне формата што го направи еден од најопасните боксери во неговата ера.
