Стипе Миочиќ неодамна ја имаше последната ММА борба во кариерата. Најголемиот УФЦ тешкаш во историјата загуби од шампионот Џон Џонс во борбата за титулата во тешка категорија во Медисон сквер гарден.
Клучниот момент се случи во третата рунда кога Боунс ја погоди левата страна на Миочиќ со силен ножен удар од вртење.
Еден од најголемите ММА борци во историјата се обиде да ја потврди својата доминација со уште неколку удари, но судијата Херб Дин, за среќа, го прекина мечот.
Легендарниот американски борец Квинтон „Рампејџ“ Џексон пред борбата веруваше дека Стипе ќе му пружи подобар отпор на Џонс, но, сепак, смета дека Том ќе биде полесен предизвик за Џон.
„Откако го видов Џонс на неговиот последен настап, мислам дека ниту еден тешкаш во моментов не може да го победи. Тој е еден од најголемите борци во светот. Секоја чест за Аспинал кој е голем борец и јас сум негов фан. Но, мислам дека Аспинал ќе биде полесен предизвик за Џонс отколку што беше Миочиќ. Барем на хартија“, истакна Квинтон „Рампејџ“ Џексон и додаде:
„Џонс со години е многу успешен во ММА, а причината за тоа е што има силен ум, затоа и доминира толку долго. Се спротивставив на тој човек и сериозно го потценив. Оттогаш ги гледам неговите борби. Прави работи што другите не ги прават. Секогаш велам дека ММА е 95 проценти во главата“.
