Легендарниот поранешен двоен шампион на УФЦ, Даниел Кормиер, верува дека Фeдор Емелијаненко би бил осреден борец во УФЦ. Пред 10 години, Дана Вајт имаше голем интерес за Емелијаненко и се трудеше да го првлече во УФЦ.
За жал, тоа не се случи, и никогаш не го видовме еден од најголемите борци во тешка категорија во УФЦ. Вајт планираше да му даде борба на Федор против големата ѕвезда Брок Леснар. Ќе беше огромен дуел во тие години.
Кормиер признава дека Емелијаненко е одличен и би го победил Леснар. Сепак, ова не значеше дека Федор ќе се претстави добро против другите борци во организацијата. Кормиер верува дека Последниот император ќе беше борец од среден ред во УФЦ.
„Станува збор за годините меѓу 2009 и 2011 година. Во тоа време, УФЦ се обидуваше да потпише со Федор Емелијаненко. УФЦ долго време се интересираше за него, но тој отиде во Белатор и се беше готово. Сето ова време Федор леташе низ целиот свет и се бореше во разни организации.
Мислам дека Емелијаненко би го победил Брок Леснар. Надвор од овој меч, мислам дека Федор не би се претставил добро во УФЦ. Мислам дека Федор не отиде во УФЦ, за да остане интригата.
Реалноста на ситуацијата е дека тој не би се снашол добро против овие момци како Жуниор дош Сантос и не би го победил Каин Веласкез. Федор би се борел со борци како Чејк Конго. Емелијаненко не би ги победил оние момци кои во тоа време беа на врвот на УФЦ. Сигурен сум.
Знам дека би рекол дека Федор го победи Ножеира, а потоа и Френк Мир. Колку и да беше одличен, Федор ќе беше човек од средна класа во спортот во тоа време. Во тие години во УФЦ, Емелијаненко ќе беше просечен“, рече Кормиер.
