Чан Сунг Јунг се врати во кафезот и повторно ги импресионира фановите. „Корејското Зомби“ го нокаутира Ренато Мојкано, кој беше седум места пред него на рејтинг листата во перо категорија. Јунг победи на 5 од последните 7 борби и на секоја од нив заработи бонус.
Тој е многу атрактивен борец и сега сериозно ќе напредува на листата. Целта му е титулата и сака битка со топ 4 борец во категоријата.
„Како борец дефинитивно ви помага да бидете во низа од последователни победи и обратно, кога си во губитничка серија. Подготвен сум да се борам со топ 4 борец и не ми е важно кој ќе биде. Подготвен сум да прифатам некој кој ќе биде пред мене на ранг-листата. Ова ќе биде чекор напред кон титулата и јас сум подготвен.
Сега, најверојатно, Јунг зазеде петото место, односно ќе го истисне Мојкано, а пред него ќе бидат Френки Едгар, Жозе Алдо, Брајан Ортега и Александар Волкановски.
