34-годишниот Ирски ММА борец Конор Мек Грегор беше предмет на критики на социјалните мрежи.
Поранешниот двократен шампион на УФЦ се огласи со објава на Твитер по повод 3-годишнината од смртта на Абдулманап Нурмагомедов. Секој обожавател на ММА е свесен дека Мек Грегор и Хабиб Нурмагомедов имаат една од најжестоките караници што тлее до ден-денес. Тие се бореа во октомври 2018 година.
Хабиб го принуди Мек Грегор да се предаде во 4-та рунда и настана мешаница. Пред борбата Мек Грегор постојано ги навредуваше Хабиб и неговиот татко. Хабиб повеќе не е дел од ММА, а Абдулманап почина пред 3 години. Сепак, тоа не го спречува Мек Грегор да долева масло на огнот.
Навивач на социјалните мрежи го праша Мек Грегор што најмногу му помага на неговото ментално здравје. Конор одговори со два збора, кои потоа ги избриша, како по обичај:
„Мртвите непријатели“, напиша Мек Грегор.
Оваа објава не остана незабележана од Али Абделазиз, кој е менаџер на Нурмагомедов.
„Единственото нешто што те уби е твојот алкохол“, напиша Али Абделазиз.
Според многу фанови, Мек Грегор конкретно го избрал денот на смртта на Абдулманап Нурмагомедов за да пишува за „мртвите непријатели“ кои му помагаат на неговото ментално здравје.
