Конор Мек Грегорr е „гладен“ за реваншот со Нејт Дијаз на УФЦ 202.
Ирецот го претрпе првиот пораз во УФЦ токму против Дијаз, кој го принуди да се предаде на нивниот меч на УФЦ 196 во март.
Сега Конор се заканува дека ќе се „поигра“ со Нејт Дијаз во втората средба меѓу нив.
„Се чувствувам многу самоуверено. Ќе се позанимавам со овој човек. Во првите осум минути на претходниот меч си играв со него. Кога ме погоди со оној лев удар, сетила се уште ни беа таму. Балансот ми се изгуби, но главно поради заморот. Секогаш се навраќам наназад и си мислам што ли ќе се случеше, ако бев завршил сè? На него му требаа уште еден или два удари. Чувствувам дека кога го постигна оној удар, тоа му донесе и нова енергија. Му го видовте ли аголот, полудеа по случувањето во кафезот. Како да добиле на лото. Потоа следуваше и гилотината. Се прашувам, што ли ќе се случеше, ако само ги држев рацете горе, ако продолжев да одам околу него и преживеев. Постојат многу прашања, но сум сигурен дека можам да бидам подобар во следниот натпревар. Ќе го добијам овој реванш“.
