Мејведер ја заврши кариерата, но остана една од главните фаци во светскиот спорт. Неодамна тој го критикуваше расистичкото расположение во општеството, давајќипример со денес најпопуларната ирска ѕвезда во боречките спортови, Конор Мек Грегор.
„Безусловно расизмот е присутен како во боксот, така и во ММА. Своевремено, постојано го критикуваа Бернард Хопкинс поради борбите со ривалите, кои физички се повлекуваа- Де ла Хоја, Мозли, Тринидад. Денес во истата ситуација е и Генадиј Головкин, но за него слушам само славопојќи. Друг пример е Ронда Русеј. Таа освои 10 борби и доби тешки рекламни договори, филмови во кино, емитување во најдоброто време на ТВ. Лајла Али беше не помалку успешна како боксер и привлечна жена, но никогаш не доби и половина од она што и го дадоа на Ронда. Неодамна ми раскажаа и за Конор Мек Грегор. Немав поим кој е. Излезе дека тој ги навредува ривалите и се држи пркосен што одговара на публиката. За такво нешто мене постојано ме критикуваа и ме нарекуваа арогантен. Нема правда, затоа во општеството има расизам“.
Одговорот на Конор беше светкавичен:
„Флојд, никогаш повеќе не споменувај го ова име во таков контекст.
А ако имаш желба, можеме да се бориме. Ќе го делиме профитот фер – 80% за мене, 20% – за тебе, бидејќи планирам да те убијам за помалку од 30 секунди“!
https://youtu.be/q-roh2u_6aU
