Конор Мек Грегор објави ново видео на својот профил на социјалните мрежи.
Во предметното видео, „The Notorious“ покажува како тренира големата легенда Федор Емелијаненко. Поранешниот шампион во две дивизии на УФЦ пишува дека „Последниот император“ несомнено е еден од великаните на ММА на сите времиња. Ова е факт што никој не може да го негира.
„Еден од најдобрите борци на сите времиња! Несомнено, тоа е Федор Емелијаненко“, напиша Мек Грегор на социјалните мрежи.
Федор моментално се подготвува за последната борба во својата славна кариера. Емелијаненко ќе се соочи со Рајан Бадер на 4 февруари во Калифорнија. Борбата ќе биде за титулата во тешка категорија. Федор е еден од најдобрите борци во историјата на тешка категорија.
Во минатото имаше серија од 27 последователни победи и 10 години беше непоразен. Во последниве години Федор се бореше под знамето на Белатор, каде забележа 4 победи со нокаут и 2 порази.
За прв пат по долго време Конор кажува нешто со што сите можеме да се согласиме.
