Скот Кокер, претседател на Белатор, сака да види борби меѓу Федор Емелијаненко и легендите Алистер Оверем и Жуниор дош Сантос. Двајцата беа ослободени од УФЦ пред неколку недели, а претседателот на Белатор е подготвен да ги прифати во неговата организација. Пред неколку дена, Дош Сантос изјави дека е заинтересиран за борба со Емелијаненко.
Од друга страна, Оверем сè уште молчи и не е познато дали ќе ја продолжи кариерата. Федор не се борел од декември 2019 година. Тогаш го нокаутира Џексон во Јапонија и им се врати на победите. Федор го победи и Ковид-19, сега е подготвен да тренира со полна брзина.
Кокер изјави дека за една недела ќе го види Емелијаненко и ќе разговара за неговата иднина. Скот очекува Федор да се бори на крајот на летото.
„Федор Емелијаненко сега е подобар и може да започне со подготовки за борба. Мислам дека тој ќе се бори за нас во следните месеци. Ќе дојде кај нас следната недела и ќе разговараме. Ќе дојде со Немков и ќе разговараме. Сакам да се бори кон крајот на летото или рана есен“, рече Кокер и додаде:
„Нема да потпишеме со Оверем или Дош Сантос на две години. Нема да се обидеме да ги градиме, затоа што тие постигнаа сè. И двајцата веќе се докажани легенди. Имаме спортски легенди и во Белатор. Федор против Оверем е интересна битка за мене. Федор против Дош Сантос е исто така интересна битка за мене“.
