Легендата на боксот Витали Кличко и сегашната ѕвезда Александар Усик се нурнаа во ледените води. Украинците го прославија Водици.
Поранешниот шампион во тешка категорија и сегашен градоначалник на Киев – Ватили Кличко – прв се искапи. Утрото се нурна во ровот во замрзнатото езеро во близина на паркот Пријателство на народите. Температурата на воздухот беше минус 19, а температурата на водата плус 3.
„Пријатели, честитки за крштевањето! Запомнете: во силен мраз, без подготовка на телото, подобро е да не нуркате. Грижете се за себе!“, напиша Кличко под споделувањето на видеото.
Поранешниот апсолутен шампион во полутешка категорија и сегашен борец во тешка Усик ја испочитува традицијата. Без двоумење, атрактивниот боксер влезе во водата и доби благослов од локален митрополит.
„Среќно крштевање, браќа и сестри!“, се поздрави Усик.
Во Украина, Богојавление се слави на 19 јануари, како и во Македонија. Ова е трет и последен празник што го затвора кругот на Божиќните и новогодишните празници.
